...	laugardagur, desember 13, 2003

Hausverkur helvítis.

Jæja loksins kemur eitthvað frá mér inná þetta blogg.
Síðan ég skriftaði síðast hef ég aðalega verið veikur (tók 10 daga) og svo verið að vinna.
Ekkert farið í óvissuferðir eða annað djamm. En það breyttist í gærkvöldi og stefnan er sett á Julefrokost í kvöld þannig að þetta verður helgi hausverkjar og timburmanna.
Helgin í byrjaði hjá mér í gær á rólegu nótunum þar sem ég fór til Ninnó og Berglindar og fékk þar dýrindis nautasteik og spilaði pool við Ninnó áður en við héldum á fótboltaæfingu með Hjalta. Vegna dræmrar mætingar á æfingu þá varð ekkert úr henni og því var haldið aftur til Ninnó þar sem við tókum nokkra Pool leiki og sötruðum öl.
Allt var þetta samt á rólegu nótunum......... eða hvað. Ákvað að kíkja aðeins til Ninnó eftir Poolið og þáði þar einn GT. Einn varð víst að tveimur og þegar ég ætlaði að halda heim á leið þá vildu þau hjú endilega fá mig í eitthvað spil, ég auðvitað til í það enda alltaf verið mikill spilaaðdáandi. Það sem ekki var sagt var að þetta var drykkjuspil dauðans þar sem engum er sýnd miskun og þar sem ég var að spila í fyrsta skipti þá var ég fórnarlamb allskonar hliðar og auka reglna sem ég hreinlega held að hafi veið samdar á staðnum, leikreglurnar voru víst týndar (hentugt). Spilið hófst sona um kl 1:30 og var leikum hætt kl 6:eitthvað vegna almennrar ölvunar spilara sem var farin að hamla framgangi spilsins töluvert. En það er jafnframt tilgangur spilsins...... að gera fólk ófært um að spila... hmmmm. Á þessum tímapunkti varð mér ljóst að tíminn hafði liðið hraðar en almennt gerist, ég hafði innbyrt meira áfengi en almennt gerist og ákvað ég því að drífa mig heim og sofa úr mér til að geta farið að kaupa jólagjafir í dag og svo vera hress fyrir Julefrokostinnn í kvöld. Heimferðinni er best líst sona.......

...........ég stóð fyrir utan hurðina hjá Ninnó og Berglindi með töskuna á bakinu, úlpuna renda upp og ég fann rigninguna berja á annars frekar dofnu andliti, ég leit upp til himins, opnaði armana og faðmaði að mér þessa yndislegu rigningardropa. Með opinn munninn reyndi ég að fanga nokkra með í nesti en mér til undrunar þá var ég tilfinningalaus í tungunni, ég reyndi aftur og einn djúsi dropa koma æðandi niður og í átt að mér ég út með tunguna og ég gat séð þegar dropinn splundraðist á tungubroddinum en ekkert fann ég. Það rifjaðist upp fyrir mér að ég hafði bitið í tunguna á meðan leikum stóð og var ég að spá hvort ég hefði nokkuð bitið eitthvað af...... eftir að hafa þuklað aðeins á tungunni komst ég að því að hún var þarna öll, bara ekki mjög lífleg. Ég hugsaði að það vær best að drífa mig heim í rúmið því að þá myndi allt lagast. Ég spennti töskuna fasta og hljóp af stað, já hljóp, hljóp eins og vindurinn, stökk yfir polla og hraðahindranir með vindinn í hárið og regnið á andlitinu ég sá markið í fjarska í líki "Metró" og ég jók hraðan og stefndi í mark, en markið bara fjarlægðist og sama hvað ég reyndi að hlaupa hratt þá nálgaðist ég ekkert .......ohhhhh missti af metró. En það kom annar og ég fékk far. Ég settist inn og slakaði á ...... kannski aðeins og mikið ...... rankað við mér þegar metró lagði af stað frá endastöðinni .....hinum meginn, ég hafði farið í skoðunarferð um undirgöng kaupmannahafnar með lokuð augun, veit ekki hvort ég var búinn að fara margar ferðir fram og til baka en mér tókst að halda mér vakandi og fara úr á réttum stað og koma mér heim.
Mættur í rúmið kl 8 í morgun.

Þetta verður dagur hausverks dauðans.

skrifaði Finnsi @ 15:12

|